العنكبوت كائن ضار ومفيد ؟!

ياتري ليه لما العنكبوت بيصنع شبكته مبيلزقش فيها؟! ولما تجي حشره تقف علي الشبكه بتلزق؟
ده بيرجع لاسباب كتير بس في الاول هنكلمكم شويه عنه.

هو ليه اصلا بيصنع الشبكه ؟
اكيد كلنا عارفين عشان يصطاد بيها الفريسه اللي هيتغدي عليها.
طيب هو بيصنع الخيط ازاي ؟
في ثلاثة مغازل يستخدمها العنكبوت لإنتاج الخيوط.المغازل دي بتكون مرتبطة بغدد صغيرة تفرز المادة اللي بتتكون منها الخيوط.لاحظ أنه توجد عدة غدد وكل غدة تفرز مادة مختلفة ويستعمل العنكبوت عدة خلطات مختلفة لتكوين نوع الخيط اللي يرغب به (لاصق, غير لاصق, سميك … ).
طب ليه فيه مسافه بين الخيوط؟
المسافة بين الخيوط بالجزء العلوي بتكون أكبر مما هي عليه في الجزء السفلي.
الحكمه من كده ان الجزء الاعلى يصطاد بة الحشرات الكبيرة اللى بتدخل بيتة ثم بينزل بالضحية للاسفل فيشل حركتها.
طب ازاي الخيط بيكون خفيف وبيتحمل الفريسه ؟
الخيوط دي بتكون رقيقة وشفافة ولكن بتعد أصلب الألياف الطبيعية على الإطلاق وتملك قوة تحمّل للضغط يفوق قوة الفولاذ لو كان في نفس سمك هذه الخيوط سبحان الله؟!

طب ازاي العناكب بتقدرتقاوم جاذبية الأرض وتصنع شبكتها في السقف من غيرماتقع ؟
في باحثون ألمان وسويسريون قالوان العناكب بتقدر التشبث بالأسقف متحدية جاذبية الأرض وده من خلال الصور اللي حصلو عليها الفريق البحثي بالمجهر الإلكتروني لأقدام أحد أنواع العناكب -يسمى“العنكبوت القافز”- فوجدو ان كل شعرة على قدم العنكبوت يغطيها عدد هائل من الشعيرات أو الهديبات المستحيل رؤيتها بالعين المجردة،ويصل عددها إلى 624 ألف هديبة، وبتكون مجتمعة أجمة مجهرية على كل قدم.فعشان كده قوى الالتصاق بين قدم العنكبوت وذلك السطح تصل إلى 170 مقدار وزن العنكبوت!

طب ازاي بيصطاد الفريسه ؟
لو مثلا نسج شبكته فوق شجره بيختبئ منها داخل ورقة الشجرة ويحط أطرافه على الشبكة عشان يحس بحركتها عند اصطدام الحشرة بشبكته .
وفي عناكب بتعمل تمويه للفريسه بترسم أشكالاً غريبة في شبكتها لتمويه الفريسه بأن ده مش عنكبوتاً
ولما تدخل الفريسه بيصطادها عن طريق مد خيط حريري موصول بقوائمها المكسوة بالشعر وده تعويض عن نظرها الضعيف .أما عن الشعر الخارجي الكثيف فده طبقة من أجهزة حساسة مختلفة . وتتجاوب بعضها مع أضعف الذبذبات فيما يمكن قذف الأخرى للدفاع عن النفس وكأنها رماح صغيرة

العنكبوت كمان كائن ضار ومفيد طب ازاي ؟!
ضار:- في نوع من العناكب اسمه “العنكبوت المتنسّك” أو الناسك , منتشر في أمريكا ويعتبر من العناكب السامة.بيحتوي سمه 8-10 بروتينات أهمها السفنغوميليناز D المسؤول غالباً عن النخر الجلدي وفقر الدم الانحلالي ولعضته توجد أعراض شديدة يمكن ان تودى الى البتر لشدة السم او الوفاه.

مفيد:- في نوع اسمه العناكب الذئبية المسماة ترانتشولا يحتوي على بروتين يمكنه أن ينقذ حياة مرضى القلب وأوضح الباحثون سم العناكب يساعد في منع الإصابة بالنوبات القلبية في حال انقباض القلب،
ولو مفيش عناكب لجاع البشر حتى الموت , فكمية الحشرات الضارة بالزراعة اللي بتدمرها العناكب في اليوم الواحد تفوق في وزنها وزن سكان العالم .

واخيرا نجي بقي لسؤالنا .....
ياتري ليه لما العنكبوت بيصنع شبكته مبيلزقش فيها ولما تجي حشره تقف علي الشبكه بتلزق؟
لان الخيوط مكونة من خيوط لاصقة وخيوط غير لاصقة و العنكبوت بيمشي على الخيوط
الغير لاصقة فهو بقي لما بيصنع الشبكه بيختار منطقة في الشبكة وينتج فيها خيوط بتلزق، وبقية الشبكة عادية عشان يعرف يمشي عليها ..
والعناكب بتلمس شباكها بس بالشعر الموجود على أطراف رجليها.. وده بيقلل المساحة اللي العنكبوت بيلمس بيها الشبك وبيخليه ما يلزقش وبيحرص دايما على إنه ينظف رجليه من أي آثار للحرير من شباكه.. عشان يقلل فرصة إنه يتجمع على رجليه بدرجة كافية ممكن تخليه يلزق.