ايه اللى بيحصل لو مش شربنا مايه؟ ؟؟؟؟؟
ربنا عز وجل بيقول " وجعلنا من الماء كل شيء حى "
يعنى كل حاجه محتاجه المايه
طبعا انت هتقول هنموت ..
هو الإجابه مش خبط كده على طوول فيه حاجات علميه هتحصل جوه جسمك
بص احنا هنتكلم الأول عن ا لمايه ووجودها
بص المايه دى موجوده فى كل مكان موجوده ف التربة الرطبة فى جبال الثلج، موجوده فى جسمنا، موجودة فى الخلايا بتاعت جسمنا حوالى نصفها مايه
جسم الإنسان بيحتوى على حوالى 55_60% مايه
الطفل اول ما بيتولد بيكون حوالى 75% من جسمه مايه عامل زى السمكة كده اللى بتسبح فى البحر
وبعد لما بيمر عليه سنه بيقى جسمه حوالى 65%منه مايه
طب ايه دور المايه فى جسمنا؟ ؟ وايه الكمية إلى احنا محتاجينها علشان جسمنا يفضل بالشكل ده
طيب احنا هنقول دور المايه الأول فى جسمنا
1_بيضبط حركات العضلات
2_بينظم درجه حراره ا لجسم
3_تغذيه الدماغ والحبل الشوكى
*خلى بالك المايه بس موجوده فى خلايا جسمنا دى كمان حوالى 3/4 القلب والمخ مايه
يعنى تقريبا كميه المايه فى الموز🍌
*الرئتين حوالى 83% مايه زى التفاحة
🍎*العظام حوالى 31%
طب لما احنا مخلوقين من مايه وتقريبا متحوطين بمايه من كل مكان ليه بنشرب مايه ؟؟؟؟؟؟
بص يا سيدى جسمك كل يوم بيفقد حوالى 2_3 لتر مايه عن طريق العرق والبول وحتى عن طريق التنفس فى عملية الشهيق بيطلع بخار الماء
بص أهدى كده علشان داخلين على المهم
عاااا اول ما بنشرب مايه بقى بيحصل لجسمنا ده ايه ؟؟؟
بص *تقوم المستقبلات الحسية اللى فى دماغنا بقبض الأوعية الدموية وبعدين ده بينبه الكليه لافراز هرمون "اكيوابورانس "
وهى دى القنوات الخاصة للدم ليمتص ويحفظ مزيدا من المياه داخلها
قله الرطوبة ا قله المياه فى الجسم بتؤدى إلى تقليل الطاقه بتاعت الجسم، والمزاج، ورطوبه الجلد وضعف الإدراك
طب الدماغ فى حاله الجفاف بيؤدى نفس الوظائف بتاعت الدماغ اللى الجسم فى حاله سليمه فبالتالي قله مستوى المايه فيه يتخلى الدماغ يكرمش وينكمش
¥طب لو شربنا مايه اكتر من اللزوم ؟؟؟
ده بيخلى المخ شبه متغرق في المايه وبالتالى المخ مش بيقدر يتحرك ولا يشتغل زى ما يكون جبت حبايه طماطم وحطيتها فى كوبايه كبيره مايه هتفضل تحت فى قعر الكوبايه ومش هتتحرك من مكانها
وكمان يتأثر على ايونات الصوديوم بالجسم وتقللها وده يروح مأثر على خلايا الجسم ويخليها تتنفخ وتلزق فى بعضها
وده غالبا بيصاب بيه الرياضون
طب الكلام ده بيأثر على الحالة الصحية العامه ازااى ده بيسبب القئ والصداع وفى الحالات الشديدة جداا يمكن يسبب سكتة دماغية ويمكن الوفاة
طب علشان نقى نفسنا من الجفاف وكتره المايه
زمان كانو بيقولو اشرب 8 كوبايات مايه يوميا
لكن حاليا الكلام ده مش مضبوط اووى احتياج الفرد المايه بيختلف حسب جنسه ومكان معيشته وعمله والظروف اللى حوليه
فمثلا الرجل يحتاج (2.5_3.7) لتر
والمرأة تحتاج (2_2.7) لتر
ليست هناك تعليقات
إرسال تعليق