بسم الله الرحمن الرحيم
هشرح النهارده ازاى نصمم موقع ناجح بالخطوات الصحيحه
الخطوات
(الفكره - التصميم - التكويد - البرمجة - المحتوى - التجربه - الارشفة - الادارة )
1- الفكرة
من وجه نظرى اهم خطوة فى الموضوع كله والشخص اللى فاهم اوووى ممكن يقعد سنين بيدور على فكرة مميزهوده لاكتر من سبب
1- انه مش عايز يضيع وقت ومجهود وفلوس فى حاجه متكرره
2- ان مش كل فكرة تجيلك وشايفها حلوة تبقى صالحة للتنفيذ لازم دراسة للفكره الاول
3- لازم الفكرة تبقى سابقه زمانها بمعنى ان على قد ما تقدر ما تفكرش فى فكرة انتا عارف ان اكتر من حد بيفكر فيها غيرك
لو جاتلك الفكرة خد وقتك ودور على حاجه زى فكرتك عشان تتاكد انها ما اتعمليتش قبل كدا
2- التحضير
هنا انتا خلاص جاتلك الفكرة واتاكدت ان ماحدش عمل زيها او معمولة بس انتا هتحط اضافات عليهاهتبدا تفرغ الافكار اللى فى دماغك على ورق او صور على الكمبيوتر او وايت بورد عندك فى البيت
ترسم كل حاجه فى دماغك
عدد صفحات الموقع - نماذج تسجيل الخروج والدخول - الخ...
االمفروض بعد ما تفرغ الفكرة بتاعتك وتوريها لاى حد ينبهر كانه شايف الموقع قدامه بالظبط
او على الاقل الفكرة تكون واصلاله بنسبة 80%
3- التصميم
اللى انتا عملته هترسمه على الفوتوشوب او هتعدى المرحلة دى وتكود علطول من الرسم اللى انتا عملته على الورقولازم تراعى ان التصميم فى حد ذاته يبهر اى حد وبعد ما تخلص التصميم اعرضه على اكتر من حد وخد رايهم وعدل العيوب لحد ما توصل لافضل درجة ممكنه من الابداع
4- التكويد
هتبدا تكود ملف الفوتوشوب او تكود تصميمك من الورق ولازم تراعى ان الكود يبقى سهل يتقرا ومنظم وعامل كومنتات فيه عشان يبقى احترافى وسهل على اللى هيجى يعدل فيه بعد كداوحاول تراعى ان التصميم يبقى متجاوب وشغال بشكل كويس على جميع انواع الاجهزة والمقاسات المختلفة
5- البرمجة
هتبرمج كل اجزاء الموقع زى تسجيل الدخول والخروج وبيانات اليوزر ولوحة تحكم الموقعواتصل بنا الخ....
لازم المبرمج يتاكد ان الاكواد شغاله بشكل صحيح ويجربها مرة واثنين
وطبعا حماية الموقع او السكيورتى هتندرج تحت البرمجة او ممكن تجيب خبير يامن موقعك ضد الاختراق
6- المحتوى
هنا هنبدا نملا الموقع بالمواضيع اللى احنا عايزينها عشان يبقى جاهز لاستقبال الزوارولازم تراعى ان المحتوى يبقى جيد ومش مكرر وعنواينه واضحه وجذابه
7- التجربه
كدا المفروض ان موقعك جاهز لكن قبل ما تعرضه للناس لازم تتاكد انه شغال كويس جدالازم التجربة تتم من جميع الناس اللى اشتغلت على الموقع ولما تخلصو تجربة
تجيب اكتر من حد من بره المجال يتاكد ان كل حاجه شغاله فى الموقع بشكل صحيح
عشان تعدلها قبل ما يبقى الموقع اونلاين
8- الارشفة
مرحلة مهمة جدا ولو اتعملت صح هتفيدك اووىهنا بتقوم بنشر موقعك فى محركات البحث وادلة المواقع والمنتديات
وبتعمل حملات اعلانيه مدفوعه فى الفيس بوك وجوجل والمواقع الكبيره
ولو تقدر تعمل اعلانات فى التليفزيون كمان يبقى كويس جدا زى دوبيزل كدا
لازم كمان تتاكد ان كل حاجه فى موقعك صديقة لمحركات البحث زى الصور والمواضيع الخ..
ويفضل فى المرحلة دى تجيب حد متخصص عشان تحصل على نتائج كويسه
9- الادارة
لازم يبقى عندك فريق ادارى للموقع لو موقعك كبيرلازم يبقى فى حد بيتابع مشاكل الموقع ويصلحها اول باول
ولازم يبقى عندك فريق خدمة عملاء وفريق تسويق
يفضل كمان يبقى عندك فريق لمتابعة صفحة الفيس بوك الخاصة بموقعك ويقوم بادراتها بشكل جيد
_____________________________________________
من المفترض كدا انك عملت كل شى بتنظيم وخطوات مظبوطة وصعب قوى ان موقعك يفشل او يوقع بعد كل ده
بس المهم تختار فريق عمل احترافى ناس فاهمة بجد
لازم تمويل كويس جدا وتشترى سيرفرات لموقعك وتعمل حسابك على سيرفر احتياطى لو السيرفر الاساسى وقع لقدر الله
لازم تبقى مستعد لاى مشكله تحصل وتبقى محضر نفسك هتواجه المشكله دى ازاى
الدعايا ثم الدعايا
دوبيزل ماحدش بص لشكله ولا برمجته قد ما الناس بصت لاعلاناته وشهرته
ليست هناك تعليقات
إرسال تعليق